Aruba Radio Control Club lo bay celebra nos dia nacional di Himno y Bandera hunto ku 25 anja di Status Aparte y 35 anja di Himno y Bandera, en grande. Den cuadro di esaki Corsow Radio Control Club tambe lo ta presente ku diferente avionan.

E celebrashon lo tuma lugar ariba 18, 19 y 20 di maart 2011.

Diabierna 18 maart:

actividadnan lo cuminsa for di 10 or di mainta y lo termina 5:30 di atardi. E dia aki lo tin actonan protocolario, competencia di fun fly, demostrashon di avionan extra grandi y show di avionan di turbine

Diasabra 19 di maart:

Tin bulamento di avion anochi cual lo cuminsa pa 5:30 di atardi y lo termina pa 11 or di anochi. Avionan lo wordo decora cu luz y bula anochi. Un espectaculo unico.

Diadomingo 20 di maart:

Cuminsando 10 or di mainta pa 5:30 di atardi lo tin bulamento di avionan extra grandi y di avionan di turbine (jets), entregamento di premio y palabra di gradicimento.

Bin pasa un dia ameno ku famia y amigonan serca nos na Cascabel Airfield y disfruta di tur e shownan ku lo bay tin. Corda bin cu un stoel y pechi pa no laga e solo cansabo.

Di antemano danki Aruba Radio Control Club